मिचेल स्टार्क नुकताच ICC च्या जागतिक कसोटी चॅम्पियनशिपच्या (World Test Championship - WTC) इतिहासात सर्वाधिक बळी घेणारा गोलंदाज बनला आहे.

ठळक मुद्दे:

  • ऑस्ट्रेलियाचा डावखुरा वेगवान गोलंदाज मिचेल स्टार्क आता २३४ बळींसह ICC च्या जागतिक कसोटी चॅम्पियनशिपच्या (World Test Championship - WTC) इतिहासात सर्वाधिक बळी घेणारा गोलंदाज ठरला आहे.
  • स्टार्कने मॅके (Mackay) येथे झालेल्या बांगलादेशविरुद्धच्या दुसऱ्या कसोटी सामन्यात १० बळी घेत (WTC सामन्यांमध्ये एकूण २३४ बळी) उत्कृष्ट कामगिरी करत पॅट कमिन्स आणि नॅथन लियॉन (प्रत्येकी २२८ बळी) या आपल्या सहकाऱ्यांना मागे टाकले.
  • स्टार्कने २४.२५ च्या सरासरीने हे २३४ बळी घेतले आहेत.
  • या कामगिरीमुळे त्याने कसोटी क्रिकेटच्या इतिहासातील सर्वाधिक बळी घेणाऱ्या पहिल्या १० गोलंदाजांच्या यादीतही स्थान मिळाले.
  • WTC सामन्यांमध्ये २०० हून अधिक बळी घेणारे गोलंदाज म्हणून या ३ ऑस्ट्रेलियन गोलंदाजांचाच दबदबा आहे. 
  • एका डावात ४ बळी घेण्याच्या ११ आणि ५ बळी घेण्याच्या ८ घटनांची नोंद स्टार्कच्या नावावर असून WTC सामन्यांमधील त्याची सर्वोत्तम कामगिरी ७/५८ अशी राहिली आहे.

कसोटी क्रिकेटमध्ये सर्वाधिक बळी घेणाऱ्या अव्वल १० गोलंदाजांमध्ये स्टार्कचा समावेश:

  • बांगलादेशविरुद्धच्या दुसऱ्या कसोटी सामन्यात ऑस्ट्रेलियाने प्रथम क्षेत्ररक्षण करण्याचा निर्णय घेतल्यानंतर स्टार्कने पहिल्या ७ षटकांतच ५ बळी टिपले.
  • अखेरीस त्यांचा संपूर्ण संघ अवघ्या ६४ धावांत बाद झाला. यामध्ये स्टार्कने १० षटकांत ६/१२ अशी शानदार कामगिरी केली.
  • या सामन्यात ६ बळी घेतल्यामुळे स्टार्कच्या कसोटीतील एकूण बळींची संख्या ४४५ वर पोहोचली.
  • या कामगिरीसह त्याने दक्षिण आफ्रिकेचा दिग्गज क्रिकेटपटू डेल स्टेनला मागे टाकत कसोटीत सर्वाधिक बळी घेणाऱ्या पहिल्या १० गोलंदाजांच्या यादीत स्थान मिळवले.

ICC बद्दल महत्वपूर्ण माहिती:

  • पूर्ण नाव (Full Form): ICC म्हणजेच 'International Cricket Council' अर्थात 'आंतरराष्ट्रीय क्रिकेट परिषद' होय.
  • स्थापना वर्ष:  १५ जून १९०९ रोजी लंडन येथे ICC ची स्थापना करण्यात आली होती.
  • मुख्यालयाचे ठिकाण: २००५ पासून दुबई, संयुक्त अरब अमिराती (पूर्वी १९०९ ते २००५ दरम्यान लंडन) येथे ICC चे मुख्यालय स्थित आहे.
  • सदस्य देश: सध्या ICC चे १११ सदस्य देश आहेत.
  • सध्या कार्यरत अध्यक्ष: सध्या जय शाह हे ICC च्या अध्यक्ष पदावर कार्यरत आहेत.