नुकतेच इलेक्ट्रॉनिक्स आणि माहिती तंत्रज्ञान मंत्रालयामार्फत (Ministry of Electronics and Information Technology - MeitY) कोईम्बतूर ,तमिळनाडू येथील 'GENESIS NextGen Startup Summit' मध्ये GENESIS EIR Cohort 3.0 सुरू करण्यात आले आहे.
ठळक मुद्दे:
- इलेक्ट्रॉनिक्स आणि माहिती तंत्रज्ञान मंत्रालयातर्फे (Ministry of Electronics and Information Technology - MeitY) आपल्या 'MeitY स्टार्टअप हब (MeitY Startup Hub - MSH) द्वारे 'Gen-Next Support for Innovative Startups' (GENESIS) अंतर्गत 'Entrepreneur-in-Residence' (EIR) कार्यक्रमाचा तिसरा गट (Cohort 3.0) सुरू करण्यात आला आहे.
- हा एक सर्वसमावेशक स्वरूपाचा राष्ट्रीय उपक्रम आहे.
- उदयोन्मुख उद्योजक, इनोव्हेटर्स, संशोधक, विद्यार्थी आणि सुरुवातीच्या टप्प्यातील स्टार्टअप संस्थापकांना त्यांच्या तंत्रज्ञान-आधारित कल्पनांचे व्यवहार्य व्यवसायांमध्ये रूपांतर करण्यास मदत करणे हा याचा मुख्य उद्देश आहे.
- तमिळनाडूतील कोईम्बतूर येथील MSH चे मुख्य कार्यकारी अधिकारी पनीरसेल्वम मदनगोपाल यांच्या हस्ते GENESIS EIR 3.0 चे औपचारिक उद्घाटन करण्यात आले आहे.
GENESIS EIR Cohort 3 बद्दल थोडक्यात माहिती:
- हा कार्यक्रम 'GENESIS' योजनेचा एक भाग आहे.
- ४९० कोटी रुपये बजेटची ही योजना 'MeitY Startup Hub' चा एक प्रमुख उपक्रम आहे.
- खास करून टियर-२ (Tier-II) आणि टियर-३ (Tier-III) शहरांमधून येणाऱ्या स्टार्टअप्सना शोधून त्यांना आधार देणे आणि त्यांच्या प्रगतीला गती देणे हे या कार्यक्रमाचे मुख्य उद्दिष्ट आहे.