कर्नाटक संगीत क्षेत्रातील प्रख्यात दिग्गज गायक आणि संगीत अभ्यासक एस. आर. जानकीरामन यांचे नुकतेच वयाच्या ९८ व्या वर्षी निधन झाले आहे.
ठळक मुद्दे:
- चेन्नई, तमिळनाडू येथे त्यांचे निधन झाले.
- त्यांच्या जाण्याने भारतीय शास्त्रीय संगीतातील एका युगाचा अंत झाला आहे.
- १२ जुलै १९२८ रोजी तमिळनाडूतील लालगुडी येथे त्यांचा जन्म झाला होता.
- २०११ मध्ये कला क्षेत्रातील त्यांच्या विशेष योगदानाबद्दल त्यांना 'पद्मश्री' हा भारताचा चौथा सर्वोच्च नागरी पुरस्कार देऊन सन्मानित करण्यात आले होते.
एस. आर. जानकीरामन यांच्याबद्दल महत्वपूर्ण माहिती:
- जानकीरामन हे 'एस.आर.जे.' (S.R.J.) या नावाने लोकप्रिय असलेले सुप्रसिद्ध कलाकार होते.
- त्यांनी १९३८ मध्ये संगीत शिकण्यास सुरुवात केली होती.
- संगीतातील अवघड संकल्पना सोप्या करून सांगणारी त्यांची 'व्याख्यान-प्रात्यक्षिके' तसेच कर्नाटक संगीताचे सखोल ज्ञान यासाठी ते प्रसिद्ध होते.
- पुस्तके, संशोधन तसेच दृकश्राव्य निर्मितीद्वारे त्यांनी संगीतशास्त्रात मोलाचे योगदान दिले आहे.
- त्यांचे लेखन, ध्वनिमुद्रणे आणि शिष्य यांच्या माध्यमातून त्यांचा हा वारसा पुढे चालू आहे.
जानकीरामन यांना मिळालेले पुरस्कार:
- संगीत कला आचार्य पुरस्कार (१९९७)
- संगीत नाटक अकादमी पुरस्कार (१९९९-२०००)
- संगीत नाटक अकादमी फेलोशिप (२०१४)
- कलैममनी पुरस्कार