नुकतीच नीती आयोगाने WRI इंडियाच्या भागीदारीत सुरू केलेल्या 'भारतीय विद्युत गतिशीलता निर्देशांक (India Electric Mobility Index - IEMI) २०२५' मध्ये विद्युत गतिशीलतेकडे होणाऱ्या भारताच्या वाटचालीत दिल्ली ८४ गुणांसह अव्वल स्थानावर विराजमान झाली आहे.
ठळक मुद्दे:
- ही या अहवालाची दुसरी आवृत्ती होती.
- नीती आयोगाच्या IEMI क्रमवारीत दिल्ली अव्वल स्थानावर असून त्यानंतर महाराष्ट्र आणि कर्नाटक यांचा क्रमांक लागतो.
- महाराष्ट्र आणि कर्नाटक ही फक्त २ मोठी राज्ये 'अव्वल कामगिरी करणाऱ्या (Top Performers)' श्रेणीमध्ये आहेत.
- सदर यादीमध्ये मणिपूरने डोंगराळ आणि ईशान्येकडील राज्यांमध्ये ४६ गुणांसह अव्वल स्थान पटकाविले आहे.
- या आवृत्तीमध्ये इलेक्ट्रिक वाहनांचा स्वीकार, चार्जिंग पायाभूत सुविधांची सज्जता तसेच संशोधन या आधारावर सर्व ३६ राज्ये आणि केंद्रशासित प्रदेशांचे मूल्यांकन करण्यात आले आहे.
निर्देशांकमधील अव्वल कामगिरी करणारी राज्ये/ केंद्रशासित प्रदेश आणि प्राप्त गुण:
- १. दिल्ली (८४ गुण)
- २. महाराष्ट्र (७८ गुण)
- ३. कर्नाटक (७३ गुण)
- ४. चंदीगड (७१ गुण)
- ५. गोवा (६५ गुण)
'भारतीय विद्युत गतिशीलता निर्देशांक' बाबत महत्वपूर्ण माहिती:
- विद्युत गतिशीलतेला चालना देण्याबाबत राज्य आणि केंद्रशासित प्रदेशांच्या सरकारांच्या कार्यक्षमतेचे मूल्यांकन करण्याचा प्रयत्न करणार हा एक निर्देशांक आहे.
- नीती आयोग आणि WRI इंडिया यांनी संयुक्तपणे विकसित केलेला हा IEMI निर्देशांक ३ प्रमुख विषयांतर्गत १६ निकषांचे विश्लेषण करून भारतातील एकूण ३६ प्रदेशांचे मूल्यांकन करतो.
- या ३ प्रमुख विषयांमध्ये 'वाहतुकीचे विद्युतीकरण, चार्जिंग सज्जता आणि संशोधन आणि नवोपक्रम' यांचा समावेश होतो.