आसाम सरकारमार्फत उषा मंगेशकर यांना पहिला 'डॉ. भूपेन हजारिका राष्ट्रीय पुरस्कार (Dr. Bhupen Hazarika National Award)' प्रदान करण्यात येणार आहे.
ठळक मुद्दे:
- आसाम मंत्रिमंडळामार्फत संगीत आणि सांस्कृतिक क्षेत्रात महत्त्वपूर्ण योगदान देणाऱ्या व्यक्तींसाठी भारतरत्न डॉ. भूपेन हजारिका यांच्या स्मृतीप्रित्यर्थ एक राष्ट्रीय स्तरावरील पुरस्कार सुरू करण्याची शिफारस करण्यात आली आहे.
- सुप्रसिद्ध पार्श्वगायिका उषा मंगेशकर यांना त्यांचे भारतीय संगीतातील उल्लेखनीय योगदान तसेच डॉ. भूपेन हजारिका यांच्या संगीत रचनांशी असलेला त्यांचा संबंध लक्षात घेता या पुरस्काराच्या पहिल्या मानकरी म्हणून निवडण्यात आले आहे.
'भारतरत्न डॉ. भूपेन हजारिका राष्ट्रीय पुरस्कार'बाबत महत्त्वपूर्ण माहिती:
- सदर पुरस्कार हा राष्ट्रीय पुरस्कार प्रसिद्ध आसामी गायक, संगीतकार, गीतकार आणि चित्रपट निर्माते डॉ. भूपेन हजारिका यांच्या स्मृतीला समर्पित करण्यात आला आहे.
- त्यांनी आपल्या संगीताच्या माध्यमातून सामाजिक प्रश्न आणि मानवतावादाला वाचा फोडण्याचे अमूल्य कार्य केले होते.
- संगीत, कला किंवा चित्रपट क्षेत्रात राष्ट्रीय किंवा आंतरराष्ट्रीय स्तरावर मान्यता मिळवलेल्या व्यक्तींचा गौरव करण्याच्या उद्देशाने हा पुरस्कार सुरू करण्यात आला आहे.
- डॉ. भूपेन हजारिका यांच्या जन्मशताब्दीनिमित्त आयोजित कार्यक्रमात २९ नोव्हेंबर २०२६ रोजी नवी दिल्ली येथे पंतप्रधान नरेंद्र मोदी यांच्या हस्ते 'भारत मंडपम' येथे उषा मंगेशकर यांना हा पहिला पुरस्कार प्रदान केला जाईल.