भारतीय सेनेमार्फत दरवर्षी २७ ऑक्टोबर रोजी 'पायदळ दिन (Infantry Day)' साजरा करण्यात येतो.
ठळक मुद्दे:
- राष्ट्रीय सुरक्षेमध्ये पायदळाच्या (Infantry) योगदानाचा सन्मान करण्याच्या मुख्य उद्देशाने हा दिवस साजरा करतात.
- १९४७ मध्ये श्रीनगर विमानतळावर झालेल्या ऐतिहासिक अवतरणाच्या स्मृतीप्रीत्यर्थ हा दिवस पाळण्यात येतो.
- सदर दिवसाला 'शौर्य दिन' असेदेखील संबोधण्यात येते.
- यंदाचा २०२६ सालचा हा ८० वा पायदळ दिन साजरा करण्यात येत आहे.
दिवसाची पार्श्वभूमी:
- लेफ्टनंट कर्नल देवान रणजित राय यांच्या नेतृत्वाखाली 'सिख रेजिमेंट'ची पहिली बटालियन २७ ऑक्टोबर १९४७ रोजी श्रीनगर (जम्मू आणि काश्मीर) विमानतळावर उतरली होती.
- पाकिस्तानपुरस्कृत आक्रमकांना रोखणे तसेच काश्मीरवर होणारा ताबा मिळवण्याचा त्यांचा प्रयत्न हाणून पाडणे या मुख्य उद्देशाने ही मोहीम राबविण्यात आली होती.
- लेफ्टनंट कर्नल देवान रणजित राय यांना बारामुल्लाजवळ लढताना वीरमरण आले होते.
- त्यांनी दाखविलेल्या अदम्य धैर्य आणि नेतृत्वासाठी त्यांना मरणोत्तर 'महावीर चक्र' देऊन सन्मानित करण्यात आले होते.