दरवर्षी ऑगस्ट महिन्याच्या शेवटच्या आठवड्यात साजरा होणारा 'जागतिक जल सप्ताह (World Water Week)' २०२६ साली २३-२७ ऑगस्ट या कालावधीत साजरा करण्यात येत आहे.
ठळक मुद्दे:
- जागतिक जल सप्ताह (World Water Week - WWW) ही जलसंकटावरील एक प्रमुख जागतिक परिषद आहे जी दरवर्षी ऑगस्ट महिन्याच्या शेवटच्या आठवड्यात साजरा करण्यात येतो.
- जागतिक जल आव्हानांवर लक्ष केंद्रित करणे आणि त्याचबरोबर असुरक्षित समुदायांचा समावेश असलेल्या शाश्वत, न्याय्य आणि हवामान-अनुकूल जल व्यवस्थापनाला प्रोत्साहन देणे या उद्देशांवर भर देण्याचे कार्य हा सप्ताह करतो.
- जागतिक जल सप्ताह २०२६ ची थीम/ संकल्पना: 'लोकांसाठी आणि प्रगतीसाठी पाणी (Water for People and Progress)'
दिवसाची पार्श्वभूमी:
- १९९१ पासून स्टॉकहोम इंटरनॅशनल वॉटर इन्स्टिट्यूटद्वारे (Stockholm International Water Institute - SIWI) दरवर्षी जागतिक जल सप्ताह आयोजित करण्यात येतो.
- स्टॉकहोमच्या स्वच्छ पाणी साजरे करणाऱ्या सार्वजनिक महोत्सवाने - जिथे पहिल्या स्टॉकहोम वॉटर सिम्पोझियमचे आयोजन करण्यात आले होते, तिथून या सप्ताहाची सुरुवात झाली होती.
- स्टॉकहोम वॉटर सिम्पोझियमचे स्टॉकहोममध्ये २००१ मध्ये अधिकृतपणे 'जागतिक जल सप्ताह' असे नामकरण करण्यात आले होते.
- गोड्या पाण्याच्या समस्यांवरील चर्चेसाठी ते एक प्रमुख जागतिक व्यासपीठ बनले.