वर्षातून दोनदा (मे आणि ऑक्टोबर महिन्यांतील दुसऱ्या शनिवारी) पाळण्यात येणारा 'जागतिक स्थलांतरित पक्षी दिन (World Migratory Bird Day)' ऑक्टोबर महिन्यात १० ऑक्टोबर रोजी साजरा करण्यात येत आहे.
ठळक मुद्दे:
- हा जागतिक दिवस म्हणजे संयुक्त राष्ट्रांच्या पाठिंब्याने राबवली जाणारी एक जागतिक मोहीम आहे.
- स्थलांतरित पक्ष्यांसमोरील आव्हानांबाबत जागरूकता निर्माण करणे आणि त्यांच्या अधिवासाच्या संवर्धनासाठीच्या कृतीस प्रोत्साहित करणे या मुख्य उद्देशांसाठी हा दिवस वर्षातून दोनदा - मे आणि ऑक्टोबर महिन्यांतील दुसऱ्या शनिवारी - पाळला जातो.
- यंदा २०२६ मध्ये ९ मे २०२६ आणि १० ऑक्टोबर २०२६ रोजी 'जागतिक स्थलांतरित पक्षी दिन साजरा करण्यात येत आहे.
दिवसाची पार्श्वभूमी:
- १९९३ मध्ये या उपक्रमाची सुरुवात सुरुवातीला अमेरिकेत 'आंतरराष्ट्रीय स्थलांतरित पक्षी दिन' म्हणून झाली होती.
- वॉशिंग्टन, डी.सी. (अमेरिका) येथील 'स्मिथसोनियन मायग्रेटरी बर्ड सेंटर'ने याची स्थापना केली होती.
- पहिला अधिकृत 'जागतिक स्थलांतरित पक्षी दिन' ८-९ एप्रिल २००६ रोजी केनियामधील लाइकिपिया येथील 'ओल आरी न्यिरो' वन्यजीव राखीव क्षेत्रात साजरा करण्यात आला होता.
- संवर्धनवादी कुकी गॅलमॅन यांनी याचे यजमानपद भूषवले होते.